Pikantni krompir sa kobasicom: Staro jelo u novom ruhu

Vjerovatno će neko reći - kome još treba recept za kobasicu i krompir? Odgovor na to pitanje je u činjenici da sasvim obična jela, pripremljena na malo drugačiji način imaju novi i zanimljiviji ukus.

Sastojci:

• 200 g dimljenih domaćih kobasica
• 400 g krompira (isečen na manje kockice)
• 1 manji crveni luk
• 80 g paprike
• 200 ml soka od paradajza
• kašičica mješavine začina (bosiljak, origano)
• 50 g sira za posipanje (Edamer)

Priprema:

Kobasice isjeći na kolutove podjednake širine. U podmazanoj vatrostalnoj posudi poređati kobasice, krompir, luk i papriku. Sipati sok od paradajza, dodati začine pa sve dobro promiješati. Prekriti folijom i peći u rerni zagrijanoj na 200 stepeni oko 40 minuta.

Skinuti foliju i peći još dvadesetak minuta. Na kraju posuti narendani sir i ostaviti u rerni još nekoliko minuta da se sir otopi.

( Vijesti online )