Trikovi profesionalaca: Kako da vam ruž traje što duže

Ništa ne kvari šminku kao razmrljani ili polu-izbrisani ruž. Upravo zato postoje trikovi za dužu postojanost ruževa koje su otkrili profesionalni vizažisti. Kako učiniti da ruž duže traje na usnama i izgleda besprijekorno?

Proučite sastav

Sastav kozmetike je od velike važnosti kada je u pitanju trajanje ruža za usne. Na primjer, previše tečan ili voštani ruž brzo će se istrošiti. Osim toga, takav karmin zna da se uvuče u bore oko usana, što takođe ne izgleda dobro.

Koristite olovku

Prvo morate napraviti konturu, zatim zasijeniti usne olovkom, a tek nakon toga nanijeti ruž. Olovka će stvoriti potrebnu barijeru i spriječiti širenje ruža duž crte oko usta, a takođe će boju učiniti bogatijom, piše Grazia.

Papirne maramice

Nakon nanošenja ruža, obrišite usne salvetom i ponovno ih namažite. Naše bake su koristile ovu tehniku, ali ona vremenom nije postala manje djelotvorna. Još jedan način da produžite trajanje ruža na usnama je da maramicom nanesete malo pudera na prvi sloj ruža. Zatim ponovno nanesite ruž ili sjaj.

Puder

Kako ruž ne bi ušao u bore i pukotine duž konture usana, područje oko usta napuderišite prije nanošenja podloge. Tako ćete popuniti praznine i ruž će biti glatkiji.

Piling

Ništa nije gore od nanošenja ruža na suve i ispucale usne. Zato redovno koristite piling za usne kako biste uklonili ljuskice. I svakako nanesite balzam za usne nekoliko puta dnevno. Što kvalitetnije, to bolje.

Četkica

Profesionalni vizažisti savjetuju da se ruž nanosi četkicom, kako bi 'legao' u ravnomjernijem i tanjem sloju i bio dugotrajniji. Još jedna prednost ove metode primjene je mogućnost crtanja ravnog obrisa olovkom.

( Vijesti online )