Poraz Zvezde u Berlinu, Makabi prekinuo seriju Panatinaikosa, Real u reprizi finala bolji od Olimpijakosa
Evroliga u košarci
Crvena zvezda je u teškoj situaciji nakon novog, 14. poraza u Evroligi ove sezone.
"Crveno-bijeli" su sada izgubili u Berlinu od Albe (89:80), pa su sve dalje od zone plej-ina za plasman u četvrtfinale.
Alba, koja je do večeras imala samo četiri pobjede, bila je dominantna - u finišu druge četvrtine je imala i 18 poena prednosti, u trećoj je bilo i plus 22...
Zvezda je u posljednjoh četvrtini samo ublažila neuspjeh.
Met Tomas je sa 19 koševa predvodio domaćina, u Zvezdi je 20 imao Jago dos Santos.
Real Madrid je imao 22 poena prednosti na poluvremenu protiv Olimpijakosa, velikan iz Pireja je kasnije popravio utisak, ali je bio daleko od toga da se vrati u utakmicu u reprizi finala iz prošle sezone.
Aktuelni prvak Evrope je slavio 90:85 za 20. trijumf, a predvodio ga je Džanan Musa sa 20 pogodaka.
Kod gostiju je najefikasniji bio Kostas Papanikolau sa 25.
Panatinaikos je stigao u Beograd u sjajnoj formi i nakon četiri vezane pobjede, ali je osjetio snagu Makabija koji je u dvorani "Aleksandar Nikolić" pobijedio 90:75.
Blistao je Vejd Boldvin sa 22 poena i osam asistencija, Lorenzo Braun je učestvovao sa 14 uz sedam uspješnih dodavanja.
Asvel je iznenadio Bajern u Minhenu (76:64), dok je Fenerbahče u Istanbulu nadigrao Virtus - 88:75.
Dabl-dabl učinak je imao centar Fenera Džonatan Motli - meč je završio sa 23 poena i 11 skokova.
( A. H. )