Burek iz tiganja: Omiljeno pecivo na nov način
Meso u receptu, ukoliko želite, možete zamijeniti sirom
U našim krajevima burek je veoma popularno pecivo, a jedan od načina da ga pripremite jeste i u - tiganju. Biće još hrskaviji nego kada se peče u rerni, a ako vam je prevelika količina ulja u receptu, vi je malo smanjite.
Sastojci:
- 150 grama luka
- 100 ml biljnog ulja
- 300 grama mljevene junetine
- pola kašičice bibera
- 1 kašičica soli
- gotove kore za pitu (8 listova)
- 200 mililitara mineralne vode
- tiganj za prženje promjera 24 centimetra
Priprema:
Isjeckati luk i propržiti ga na 4 kašike ulja 6 minuta na jačoj vatri. Zatim dodati meso, biber i so i pržiti još 6 minuta na jakoj vatri.
U tiganj prečnika 24 cm stavite dvije kupovne kore za pitu, kao što možete vidjeti na snimku i premažite ih uljem. Sipati dio mesa i 2-3 kašike mineralne vode i tako slagati list- ulje-kisjela voda… Posljednji od ukupno 8 listova staviti na vrh i uviti krajeve koji su vam ostali oko tiganja. Premazati uljem, pokriti providnom folijom i ostaviti da odstoji 10 minuta.
Poklopiti i staviti da se prži na srednje jakoj vatri 5 minuta, potom na slabijoj oko 20 minuta. Tanjir premazati uljem, pomoću njega prevrnuti pitu i peći još 20 minuta.
( Vijesti online )