Tjestenina sa tikvicama totalni je hit: Gotova za 10 minuta

Ovo jelo doslovno je gotovo za deset minuta, jedino što se kuva je tjestenina, a rezultat jr predivan. I to na onaj način da kada isprazniš tanjir i na dnu ti ostane malo sosa, svjestan da si upravo pojeo tanjir tjestenine, a poželiš taj sos da dodatno pokupiši komadićem hljeba, piše Lidija Lončarić na stranici Dobra hrana.

Sastojci:

• pola veće tikvice
• 1 limun
• oko 100 g grana Padano ili drugog sitno narendanog sira po želji
• dobro maslinovo ulje
• oko 300 g tjestenine
• 3 žlice maskarpone sira
• 1 šaka svježeg bosiljka
• so i biber

Priprema:

Tikvicu nasjeckajte na sitne kockice, ubacite je u zdjelu pa začinite solju i biberom. Dodajte polovinu narendanog sira, sok pola limuna i koricu cijelog limuna. Dodajte i 2 - 3 kašike finog maslinova ulja i sitno nasjeckanu polovinu svježeg bosiljka. Sve dobro pomiješajte i pustite sa strane.

Tjesteninu skuvajte u vreloj i slanoj vodi. Kada je gotovo kuvana, u posebnu posudicu izvadite 4 - 5 kašika vode i pomiješajte s tri kađike maskarpone sira. Dobro sjedinite kako biste dobili kremasti sos.

Iz lonca s tjesteninom izbacite gotovo svu vodu, neka vam ostane samo prst tečnosti na dnu.

Maknite sve s vatre i u lonac stavite sos od mascarpone sira i tikvice. Dodajte ostatak narendanog sira. Sve dobro promiješajte i pustite da stoji 2 - 3 minuta prije posluživanja. Dodajte još malo bosiljka i dodatno začinite prema želji (na primjer - još limunovog soka, neka bude kiselkasto). Poslužite toplo, ali odlično će biti i hladno.

( Vijesti online )