Pegula u finalu Sinsinatija

Američka teniserka, Džesika Pegula plasirala se sinoć u finale turnira u Sinsinatiju, pobjedom nad Paulom Badosom iz Španije 2:1 (6:2, 3:6, 6:3).

Šesta teniserka svijeta došla je do pobjede nad 37. na WTA listi za sat i 56 minuta.

Pegula je pet puta bila bolja na servis Badose, dok je španska teniserka tri puta uzimala brejk protivnici.

Ona će u finalu, koje je na programu danas, igrati protiv treće na WTA listi, Bjeloruskinje Arine Sabalenke.

Sabalenka je u polufinalu pobijedila prvu teniserku svijeta, Poljakinju Igu Sfjontek 2:0 (6:3, 6:3).

( BETA )