Ove obične riječi u braku je važnije govoriti od "volim te"

Stručnjaci za veze kažu da dvije najvažnije riječi koje možemo da izgovorimo u vezi ili braku nisu "volim te" nego "hvala ti".

Evo kako to objašnjavaju.

U vezi ili braku svi želimo da imamo osjećaj da nas druga strana cijeni. Kada nekome kažemo "hvala ti" poručujemo mu da ga cijenimo i dajemo i dajemo mu potvrdu da je uradio nešto lijepo za nas, podsjećamo ga na njegovu vrijednost.

U vezama je "hvala ti" važnije nego u bilo kojem drugom odnosu. Ove dvije riječi važnije su od poklona, večera, bilo čega materijalnog.

Dvije tako jednostavne riječi prave veliku razliku u odnosu. Imajte to na umu kada sljedeći put nešto uzmete zdravo za gotovo.

Sada razmislite i koliko često kažete "hvala ti" osobi koju volite, a ako to nije baš često, vrijeme je za promjenu.

Iako je i riječi "volim te" dobro izgovarati svaki dan, to "volim te" odražava naše osjećaje, dok se "hvala ti" odnosi na postignuća i uticaj druge strane na nas. Pomoću "hvala ti" izražavamo zahvalnost, a ljudima je bitno da se od strane partnera ne osjećaju samo voljeno, nego i cijenjeno, piše Zadovoljna.hr.

Na kraju, kada vaša voljena osoba uradi nešto za vas, nemojte preskočiti da kažete "hvala ti" i očekivati da se to podrazumijeva. Pomoću te dvije jednostavne riječi dajte joj do znanja da ste svjesni svega što radi za vas.

( Vijesti online )