Stefanović: Sjednica Skupštine o izboru nove Vlade Srbije naredne nedjelje
"Podržimo tu odluku, ja sam uvjeren da će Ana Brnabić, a ja sam je upoznao, nije joj teško ništa, nije joj problem da dođe da radi i nedjeljom", kazao je Stefanović
Ministar unutrašnjih poslova u Vladi Srbije Nebojša Stefanović izjavio je danas da se sjednica Skupštine Srbije na kojoj bi nova premijerka Ana Brnabić trebalo da iznese svoj ekspoze, očekuje naredne nedjelje.
"Predsjednica Skupštine će zakazati sjednicu, ja očekujem, naredne nedjelje, ne znam tačno koji dan", rekao je Stefanović za televiziju Pink.
Upitan da li očekuje da će ostati ministar Stefanović je rekao: "Ako me predlože, niti sam rođen u fotelji, niti ću u njoj umrijeti".
On je dodao da apsolutno podržava odluku predsjednika Srbije Aleksandra Vučića o tome da za mandat za sastav nove Vlade Srbije povjeri dosadašnjoj ministarki državne uprave i lokne samouprave Ani Brnabić.
"Vjerujem da je ova odluka dobra za Srbiju, da je dobro odmjerio i razmislio... Podržimo tu odluku, ja sam uvjeren da će Ana Brnabić, a ja sam je upoznao, nije joj teško ništa, nije joj problem da dođe da radi i nedjeljom. Zna koliko je važno da se završi cijeli ekonomski proces i koliko su važni pregovori sa Međunarodnim monetarnim fondom. Ana razumije da ova Vlada nastavlja sa onim što je počela pethodna", rekao je Stefanović.
Upitan da prokomentariše negodovanje dijela vladajuće koalicije zbog takve Vučićeve odluke, on je rekao da "ne razumije takvu vrstu lažne polarizacije".
"Ne sviđa mi se kad neki ljudi zaboravljaju iz Srpske napredne stranke - mi smo ovlastili Aleksandra Vučića da predloži Anu Brnabić. To je i naša odluka. Vidim da nekima se čini da to nije baš najpopularnije, izgubiće neki poen, ajde da javno šalju jede poruke, tajno druge... Ne. To je naša odluka", rekao je Stefanović.
( Beta )