"Novi Volvox" ipak gradi "Savin kuk"
Direkcije javnih radova izabrala je konzorcijum “Novi Volvox”, u kojem je i italijanski Lajtner, da izradi žičaru sa novim stazama na Savinom kuku za 8.788.888 eura
Državna komisija za kontrolu postupka javnih nabavki odbila je žalbe konzorcijuma “Strucon&Bartholet” i “Fidija” na izbor najpovoljnije ponude za izgradnju žičare “Savin kuk” na Žabljaku jer, nakon odbijanja bankarske provizije, njihove naknade za vođenje postupka nijesu bile u propisanom iznosu.
Direkcije javnih radova izabrala je konzorcijum “Novi Volvox”, u kojem je i italijanski Lajtner, da izradi žičaru sa novim stazama na Savinom kuku za 8.788.888 eura.
Procijenjena vrijednost javne nabavke je devet miliona eura i ponuđači se mogu žaliti ako uplate po 20.000 eura. U rješenju Komisije navodi se da je “Bartholet” uplatio 20.000 eura, ali je nakon odbitka ino-provizije od 17,5 eura uplaćeno 19.982,5 eura. Naknadu je uplatio i “Doppelmayr”, ali nakon odbitka provizije ona iznosi 19.975 eura.
( Milorad Milošević, Biljana Matijašević )