Vardi: Prijetili su mi smrću zbog Ranijerijevog odlaska

Sa Klaudiom Ranijerijem, Lester je osvojio titulu, a zatim došao na korak od ispadanja iz Premijer lige.

Nakon njegovog odlaska, "lisice" su pobjegle iz opasne zone, vezale tri pobjede, stigle do četvrtfinala Lige šampiona...

Navijačima Lestera teško je, međutim, pao odlazak harizmatičnog Italijana, a mediji su podgrijavali atmosferu pričama da su ga otjerali igrači, tihim, ili otvorenim buntom.

Džejmi Vardi je, navodno, bio lider anti-Ranijerijeve grupe, zbog čega je, kako tvrdi, bio pod velikim pritiskom i čak opasnošću.

"Počele su priče, ljudi su povjerovali i krenulo je ludio. Navijači su počeli da mi prijete preko društvenih mreža, bilo je čak i prijetnji smrću. Vrijeđali su mu suprugu, lupali joj po automobili dok se vozila sa djecom. Nije bilo prijatno. Mogu sam da zamislim šta bi bilo da nemamo rezultate kakve imamo sada. Priče o našem uticaju na smjenu su apsolutna laž, ali ali toliko toga je ispričano i napisano da su ljudi, jednostavno, povjerovali", rekao je Vardi.

( Vijesti sport )