Nikola Mirotić odlazi iz Čikaga?!

Nakon dvije i po sezone u Čikagu, Podgoričanin Nikola Mirotić mogao bi karijeru da nastavi u Filadelfiji.

Prema "Sports yahoo", Čikago vodi aktivne pregovore sa Filadelfijom kako bi napravio razmjenu u kojoj bi se pojačao 21-godišnjim centrom Džalilom Okaforom, dok bi u suprotnom smjeru morao 26-godišnji Mirotić, koji nastupa pod španskom zastavom.

Još prije mjesec je "Čikago Sun Times" pisao da Bulsi žele trejd sa učešćem Mirotića i iskusnog plejmejkera Radžona Ronda.

Mirotić je ove sezone prosječno postizao devet koševa i imao je 5,1 skok po utakmici, dok je prosjek Okafora 11,4 koša i 4,8 skokova

( Slaviša Živaljević )