Policija pronašla čamac s migrantima na sjeveru Kipra

Brod sa 93 migranata, među kojima je bilo 42 djece i 17 žena, pristao je danas na sjeverozapadnu obalu Kipra, saopštila je kiparska policija. Obalska straža primijetila je čamac na oko 15 kilometara od obale, prije nego što je pristao u selu Lato Pirgos, rekao je neimenovani policijski zvaničnik za agenciju Asošiejted pres. Policija je pronašla migrante poslije ponoći. Nije objavljeno koje su nacionalnosti i odakle su krenuli na put. Migrantima je pružena medicinska ponoć i oni će tokom dana biti prebačeni u prihvatni centar za izbjeglice u okolini Nikozije.

( Beta )