Ajntraht slavio u Gelzenkirhenu poslije skoro 18 godina
Tim iz Frankfurta slavio je u ujednačenom meču golom u 33. minutu, koji je postignut poslije velike nepažnje domaće odbrane.
Fudbaleri Ajntrahta pobijedili su danas u gostima Šalke sa 1:0 u prvoj utakmici 18. kola Bundeslige, i tako barem privremeno došli na treće mjesto na tabeli.
Tim iz Frankfurta slavio je u ujednačenom meču golom u 33. minutu, koji je postignut poslije velike nepažnje domaće odbrane.
Makoto Hasebe je izveo slobodan udarac sa desne strane šesnaesterca, u ravni s linijom penala. On je mirno poslao loptu po zemlji koja je neometano došla do potpuno samog Aleksandera Majera i on je mirno zakucao u mrežu.
Ovo je inače bila prva pobjeda Ajntrahta u Gelzenkirhenu poslije skoro punih 18 godina, odnosno poslije 13 utakmica.
Ajntraht sada ima 32 boda, jedan više od Hofenhajma i dva više od Dortmunda i Herte, koji svi imaju po putakmicu manje. Šalke je ostao na 10. mjestu sa 21 bodom.
( Beta )