Oldridž blistao protiv Čikaga, Lejkersima gradski derbi
Lejkersi su slavili sa 111:102 i prekinuli niz od 11 poraza od Klipersa
Božićno raspoloženje kao da je uticalo da Lamarkus Oldridž odigra spektakularan meč.
Krilni centar San Antonija je upisao 33 poena i devet skokova u pobjedi nad Čikagom (119:100), a posebno impresivan je bio u prvom poluvremenu.
Bivši igrač Portlanda je pogodio svih 13 prvih šuteva - 11 za dva i dva slobodna bacanja! Na kraju je imao učinak 20-15 iz igre i 6-3 sa penala.
Odličan je bio i Kavaj Lenard sa 25 koševa i 10 skokova, a kod „bikova“ je odskičio Dvejn Vejd sa 24 pogotka.
U drugom meču bez povrijeđenog lidera tima, Krisa Pola, LA Klipersi su doživjeli i drugi poraz.
Ovog puta su ih nadigrali LA Lejkersi (111:102) i prekinuli niz od 11 poraza u gradskim derbijma.
Nik Jang i Timofej Mozgov su sa po 19 poena predvodili sedam igrača sa dvocifrenim učinkom, dok su na drugoj strani po 22 ubacili Džej Džej Redik i Džamal Kroford.
Rasel Vestbruk je „podbacio“ - 31 poen, 15 asistencija i „samo“ sedam skokova u pobjedi Oklahome nad Minesotom (112:100).
Izmakao mu je 15. tripl-dabl u sezoni, ali je igrao svega 33 minuta. Odlični su bili i centri Stiven Adams (22) i Enes Kanter (20), baš kao i njihov rival na suprotnoj strani Karl-Entoni Tauns (26).
( N. N. )