Sporazum o slobodnoj trgovini koji su danas potpisali Evropska unija (EU) i Japan predstavlja "jasnu poruku" protiv protekcionizma, izjavio je danas u Tokiju predsjednik Evropskog saveta Donald Tusk.
"Šaljemo jasnu poruku da smo protiv protekcionizma", rekao je Tusk na konferenciji za novinare aludirajući na američke carinske tarife koje je uveo predsjednik Donald Tramp.
"Pokazujemo da smo mnogo jači i u boljoj poziciji kad radimo zajedno", rekao je na istoj konferenciji za novinare predsjednik Evropske komisije Žan-Klod Junker.
Sastanak u Tokiju bio je prvobitno predviđen prošle nedjelje u Briselu ali je japanski premijer Šinzo Abe bio primoran da otkaže posjetu zbog poplava na zapadu Japana gdje je stradalo više od 200 osova.
Sporazum između EU i Japana predviđa zonu slobodne trgovine koja pokriva skoro jednu trećinu svjetskog bruto domaćeg proizvoda (BDP).
Bonus video:
