Bugarska je proglasila uzbunu "najvećeg stepena" u cijeloj zemlji nakon obilnih sniježnih padavina koje su omele saobraćaj i ostavile stotine domova bez struje, javljaju agencije.
Vlasti su pozvale građane da izbjegavaju putovanja i zabranile kamionski saobraćaj, sve zbog snijega koji od srijede pada bez prestanka.
U najvećoj mjeri je pogođen sjever zemlje. U području Loveča brojna mjesta odsječena su od svijeta ogromnim nanosima snijega.
Više od 300 opština u zemlji ostalo je bez napajanja električnom energijom.
Ministarstvo unutrašnjih poslova objavilo je da je jedino automobilima s lancima dopušteno kretanje izvan naseljenih mjesta do prekida sniježnih padavina i čišćenja puteva.
Letovi iz aerodroma u Sofiji bilježili su kašnjenja, dok je slijetanje brojnih aviona preusmjereno prema aerodromima u Solunu, Skoplju i Bukureštu.
Galerija
Bonus video:
