Hladan i vlažan vazduh na otvorenom, a topao i suv u zatvorenim prostorima jako isušuju kožu. Zato je važno posebno se fokusirati na zaštitu kože u zimskim mjesecima kako bismo zadržali onaj ljetni sjaj.
U nastavku otkrijte nekoliko savjeta uz koje ćete biti sigurni da će vaša koža ostati zdrava i sjajna i zimi.
Hidratacija je najvažnija
Ne preskačite kremu za lice nipošto ni ujutro ni uveče. Upravo te nagle promjene vlažnog i suvog vazduha te dug boravak u grijanim zatvorenim prostorijama negativno utiču na našu kožu i isušuju je. Kvalitetna krema je zato naš saveznik broj 1 svake zime.
Masirajte kožu
Masaža kože lica poboljšava cirkulaciju, a može i usporiti nastanak bora. Čistim prstima masirajte kožu na čelu, obrazima, oko očiju te na bradi i vratu. Podstaknućete cirkulaciju, a rezultat će biti sjajnija koža.
Pijte puno vode
Zimi pijemo manje vode nego ljeti kad nam je vruće. Zato je važno podsjetiti se da i zimi treba unositi dovoljnu količinu vode kako bi nam koža bila sjajnija i zdravija.
Smanjite unos kofeina
Ovo pravilo je primjenjivo u bilo koje doba godine. Kofein može uzrokovati proizvodnju hormona stresa, a rezultat toga je siva i beživotna koža. Zato barem popodnevnu šolju kafe izbacite iz svoje rutine, koža će vam biti zahvalna.
Koristite maske za lice
Piling je važan, ali zimi će vam posebno koristiti maske koje hidratizuju kožu. Odaberite maske koje hrane kožu ili ih pak sami pripremite kod kuće na bazi avokada.
Spavajte, spavajte, spavajte
I ovo je pravilo primjenjivo tokom cijele godine. Ništa ne može zamijeniti kvalitetan san zato pokušajte ići na spavanje ranije, ako već ujutro ne možete duže ostati u krevetu.
Birajte hranu za sjajnu kožu
Mrkva i njen beta karoten, spanać i brokula te njihovi vitamini A,C i E, losos, skuša ili sardine blagotvorno utiču na našu kožu. Smanjuju crvenilo, spriječavaju upale i na kraju nam daju sjajnu kožu. Zato obratite pažnju i na ono što jedete, prenosi Elle.
Bonus video:
