Osim što se priprema nevjerovatno brzo, za tjesteninu s limunom trebaće vam svega nekoliko sastojaka. Jednostavnost i bogat ukus krase ovo jelo koje se pravi od namirnica koje su nam često pri ruci.
Sastojci:
- 1 limun
- 350 g špageta
- 200 ml slatke pavlake
- 6 kašika maslaca
- 5 kašika narendanog parmezana
- Svježi peršun
- So, biber
Priprema:
Limun dobro oprati, narendati koricu. Tjesteninu staviti da se kuva u većoj količini vode. U lonac ili dublju posudu staviti pavlaku za kuvanje i limunovu koricu i zagrijati. Dodati, kašiku po kašiku, maslac dok se potpuno ne otopi. Skloniti s vatre. Kada je tjestenina 'al dente', u posudu s pavlakom i limunovom koricom dodati nekoliko kašika vode u kojoj se tjestenina kuvala i tjesteninu.
Vratiti na vatru i dodati parmezan. Ako sos izgleda pregusto, dodati još malo tečnosti od kuvanja tjestenine. Dodati sok jednog limuna, začini ti solju i biberom, posuti peršunom.
Bonus video:
