Iz rerne: Kisjeli kupus sa krompirom i začinima

Kisjeli kupus sa krompirom pravo je zimsko jelo, odlično za hladne dane.

Sastojci:

• 1 kg kisjelog kupusa
• 600-700 gr krompira
• 1 veća glavica crvenog luka
• 1 veća crvena svježa paprika
• 3 čena bijelog luka
• lovorov list
• biber, ulje
• crvena mljevena paprika

Priprema:

Luk isjeći na krupnije rezance kao i papriku i bijeli luk i sve to propržiti na ulju. Kupus isjeći na tanke rezance pa kad se luk proprži ubaciti kupus.

Sve dinstati bez dodavanja vode na tihoj vatri. Krompir skuvati, ne mora sasvim, pa ga malo prohladiti.

Kad se kupus izdinstao, za oko 30 minuta, dodati alevu papriku, biber, a može i malo ljute tucane paprike i sve izmiješati.

Krompir isjeći na kolutove, pouljiti, dodati malo crvene paprike, pa uglaviti kroz kupus nakoso. Staviti u rernu još 20-30 min da se zapeče.