Poslastica za vikend: Kolač sa limunom za vrele dane

Kolač sa limunom idealan je za vrele dane jer se ne peče i ima osvježavajući miris i ukus. Pored šporeta ćete provesti samo dio vremena dok skuvate limun kremu, a to i nije tako mnogo, naročito ako imate u vidu da ćete dobiti izvanrednu ljetnju poslasticu.

Sastojci:

Plazma keks Za limun kremu:

• 4 jaja
• 150 g šećera
• sok od 3 limuna
• 120 g maslaca

Sastojci za kremu od sira:

• 500 g sira maskarpone
• 4 dl pavlake za šlag
• 80 g šećera u prahu
• 2 kašičice arome vanile

Priprema:

Jaja i šećer umutiti mikserom i kuvati na pari oko 10 minuta. Dodati limunov sok i maslac i kuvati još 10 – 15 minuta. Ohladiti.

Za kremu od sira umutite mikserom sve nabrojane sastojke.

Plazma keks umakati u toplo mlijeko (dodati liker od limuna) i slagati u manji pekač.

Premazati kremom od sira i limun kremom. Nasložiti još jedan sloj keksa i ukrasiti kremom od sira i rendanom koricom limuna.