"Budimo prijatelji". Dvije riječi koje su mnogi čuli u situacijama kada nisu htjeli da budu "samo" prijatelji sa tom osobom, već nešto više. No, biti prijatelj prije nego što se upustite u vezu sa nekim zapravo uopšte nije tako loša ideja, a nerijetko ima puno više prednosti, jer se ta veza može se razviti u puno jači i čvršći odnos.
Prijateljstvo je vrlo važna stvar kada je pitanju razvoj veze. Ono vam daje priliku da upoznate osobu onakvu kakva jeste, ali i da o njoj saznate stvari koje inače ne biste znali. Kada uđete u vezu s nekim, a da prije toga niste bili prijatelji, mogu se pojaviti razne vrste problema i izazova, a od te osobe počinjete da očekujete više, pa čak i da ponekad postavljate nerealna očekivanja.
Zato, kada razvijete pravo prijateljstvo, nema očekivanja. Oboje možete biti ono što zaista jeste i ne morate da se pretvarate. A iako mnogi ljudi imaju različita mišljenja o tome da li bi prijateljstvo trebalo da postoji prije veze ili ne, postoji puno razloga koji idu u prilog tome.
Neće biti nervoze na prvom sastanku
Ljepota u tome da započnete kao prijatelji je činjenica da se već poznajete. Obično, u prvim fazama sastanka, pokušavate da budete što privlačniji, a istovremeno i da upoznate jedno drugo. Ali kada izlazite sa prijateljem, ne morate brinuti o tome, jer vam je vjerovatno već prijatno i znate puno toga jedno o drugom. Nećete morati da provodite sate birajući savršenu odjevnu kombinaciju ili razmišljate o čemu ćete razgovarati. Ovoj se osobi već sviđate takvi kakvi jeste.
Znate prošlost druge osobe
Budući da ste prije svega prijatelji, vjerojatno već znate sve o vašim prošlim vezama i prvim ljubavima, uspomenama iz djetinjstva, o tome šta vam se sviđa i šta ne volite. To oboma daje veliku prednost jer oboje znate šta smijete, a što ne smijete da radite u vezi. Već znate šta koga frustrira i čini srećnim, a to je veliki plus.
Prijatno vam je jedno s drugim
Još jedna prednost toga što ste prije svega prijatelji jeste to što se već osjećate lijepo u blizini jedno drugoga. Neće biti neugodne tišine ili poteškoća u pokušaju da smislite nešto o čemu ćete razgovarati. Vjerojatno vam je ugodno da komunicirate jedno s drugim i ne morate da se brinete da ćete učiniti ili reći nešto što će stvoriti neprijatnu atmosferu.
Možete da usporite sa vezom
Izlaženje sa prijateljem takođe je dobar način da usporite stvari i izgradite čvrst, kvalitetan odnos. Već znate da imate puno toga zajedničkog, tako da ne morate brinuti o tome, a to vam pomaže da se manje opterećujete sitnicama i da se fokusirate jedno na drugoga i na vašu vezu koja se kreće laganim, ali sigurnim tempom.
Uzdate se jedno u drugo
S obzirom na to da ste prvo bili prijatelji, lakše ćete moći da se oslonite na tu osobu. Ako ne možete da vjerujete nekome, onda nećete biti prijatelji. Izgradnja povjerenja i poštovanja vrlo je važna u vezi, a kada to već imate od prijateljstva, vaša će veza biti još jača.
Bonus video:
