Način na koji se Britanci odijevaju je mnogo složeniji nego što se često misli. Iako će odjeća i obuća britanskih marki zasigurno doprinijeti da izgledate kao da ste cijeli život proveli u Londonu, ona ipak nije ključna stvar u toj priči. Naime, na britanskim ulicama se mogu vidjeti raznorazni stilovi – elegantni, minimalistički, moderni… U svoj toj raznovrsnosti se, ipak, može odrediti nekoliko stilova sa kojima ne možete promašiti.
1. Kaput + bijela košulja + farmerke
Kaput sa farmerkama i bijelom košuljom je jedna od najjednostavnijih, ali i najelegantnijih kombinacija za koje se možete opredijeliti. Ovo je klasik koji nikad ne izlazi iz mode.
2. Vuneni kaput + midi haljina + čizme do koljena
Tokom ranih jesenjih dana, lako je i lijepo iskombinovati ljetnju haljinu sa debljim komadima odjeće. U dugačkim čizmama za kišu i kaputu preko kratke haljine izgledaćete ljupko i, dok pazite na debljinu odjeće, nećete se prehladiti.
3. Karirani šal + kožna jakna
Iako zvuči kao čudna kombinacija, kožne jakne i karirani šalovi su zapravo savršen par. Bilo da izabarete veći ili manji šal, karirani dezen će biti savršen kontrast kožnoj jakni. Naravno, možete se igrati bojama, a donji dio izabrati po vašem ukusu.
4. Pleteni prsluk + cvjetna haljina
Pleteni prsluk preko haljine sa cvjetnim šarama je još jedna odlična kombinacija za jesen - simpatična i topla.
5. Veliki džemper + mini suknja + čarape sa uzorkom
Prugasti džemperi su u posljednje vrijeme postali veliki hit, a uparen sa kratkom suknjom i hulahopkama lijepog dezena čini jedinstvenu i modernu kombinaciju.
6. Džemper + slip suknja
Široki, dugački džemperi obično nisu prvi komad odjeće koji ljudima pada na pamet kada smišljaju elegantne kombinacije, ali kada se obuku sa uskom slip suknjom, džemperi postaju veoma šik, bez obzira na njihovu veličinu.
Bonus video:
