Najveći trend ove sezone su izvjesno maksi suknje. Već ih viđamo po društvenim mrežama i na ulici, i to u svakakvoj varijanti. Savršene su i za dnevne i z avečernje prilike, a osim suknji od teksasa koje su preplavile prodavnice, još jedan maksi trend je posebno prisutan. Riječ je o boho suknjama.
Boho stil je u posljednje vrijeme vrlo popularan, ali mnogi ne shvataju šta sve ovaj termin podrazumijeva.
“Boho” u stvari, potiče od reči “boemi”, koja je nastala u Francuskoj i kojom su Parižani opisivali pisce i umjetnike koji su živjeli nekonformistički, bezbrižno i jednostavno.
Početkom XXI vijeka, djevojke kojima je stalo do mode i trendova, počele su da troše velike sume novca na lepršave maksi suknje sa cvjetnim motivima, naborima i resama, kako bi postigle boho stil koji odiše slobodom i lepršavošću.
Ironično je međutim bilo upravo to što su ovaj “look” pravi boemi postizali upravo tako što nisu marili za modu niti su trošili novac na nju.
Boho suknje ove sezone su izuzetno popularne i nose se uz apsolutno sve.
Jednostavne su, udobne, a slažu se uz bilo koju drugu estetiku. Pružaju svestranost, a njihova elegancija i zanosni printovi imaju posebno mjesto u modnom svijetu.
Osim što su boho suknje preplavile modne piste za ljeto 2023., sada ih možete kupiti gotovo u svakoj radnji.
Bonus video:
