Odgovarajuća garderoba može učiniti da izgledamo mlađe i modernije, ali isto tako postoje odjevni komadi koji mogu dodati i 10 godina, tvrde stilisti.
Iako o ukusima ne treba raspravljati, eskperti tvrde da su ove stvari pogrešne za sve.
Krupne šare
Prilikom izbora haljina ili bluza s bujnim cvijećem ili velikim krugovima, harmonija je narušena, a sva pažnja je usmjerena na odjeću. Upadljiv print sa krupnim motivima i šarama se posebno ne preporučuje ženama koje su sitne i niske jer čini da izgledaju vizuelno starije.
Dame koje žele da izgledaju vitko ne bi trebalo da nose ove dezene. Ali, ako ne možete da odolite cvjetnom i apstraktnom printu, birajte odjeću s elementima srednje ili male veličine. Čak i princeza od Velsa Kejt Midlton, poznata po savršenom stilu, u ovakvoj haljini ne izgleda uobičajeno dobro.
Takođe, zapamtite da većini žena pristaju dinamični i ritmični detalji, piše story.hr.
Poslovna haljina
Poslovna haljina nesumnjivo izgleda dobro, ali na njoj sve mora biti savršeno: tkanina, šavovi, kroj, boja. Ali postoji problem – takve haljine ne odgovaraju svima.
Španska kraljica Leticija, još jedna ikona stila, ima bezbroj boljih izdanja od ovog, strogo poslovnog.
Za mlade žene je bolje da izbjegavaju ovaj model i da ga zamijene ležernijim haljinama.
Velike torbe
Iako ih mnoge žene biraju jer su praktične, stilisti savjetuju da ipak dobro razmislimo šta je ono što nam je neophodno da ponesemo sa sobom kada izlazimo iz kuće i ipak se umjesto za veliku, opredijelimo za manju torbu.
Tome kako izgledamo dosta doprinosi garderoba koju nosimo. Svaka žena teži tome da izgleda svježe, mlado i privlačno, a to je moguće postići pravilnim izborom garderobe. Nikako se ne treba stidjeti svojih godina, ali nema potrebe da zbog izbora određene odjeće izgledate starije. Španska influenserka Karmen Gimeno redovno pokazuje kako možete izgledati mlađe.
Bonus video:
