Probleme s bubrezima, bešikom i sa žuči lako je zamijeniti s bolovima u leđima. Organi šalju signale po tijelu, a najčešće se manifesuju u leđima zato što tamo ima puno nervnih završetaka pa se bol najjače osjeća baš u tom dijelu tijela. Na taj način se pravi uzrok bola 'maskira'.
Bubrežni kamenci
Stalni bol u jednom dijelu leđa, ako se pojavljuje uz bol u stomaku ili preponama, bol kod mokrenja ili krv u urinu, može biti znak bubrežnih kamenaca. Kamenci nastaju zbog nakupljanja kalcijuma i fosfora, a najčešće su posljedica konzumiranja premalo vode i prevelikog unosa proteina. Takođe, veliku ulogu igra i genetika pa su im neki ljudi podložniji nego drugi.
Bubrežni kamenci češći su kod muškaraca nego kod žena i najčešće izađu prirodnim putem, ali one veće treba razbiti laserom.
Upala bubrega
Ako se uz bol u leđima javlja i povišena tjelesna temperatura, takvo stanje može ukazivati na upalu bubrega. Taj bol se najčešće javlja u donjem dijelu leđa, iznad karlice i može se proširiti na prepone
Upala gušterače
Upalu gušterače osim bola u donjem dijelu stomaka, povraćanja i mučnine prati bol u leđima. Taj bol može biti iznenadan i širiti se od stomaka prema leđima, a najčešće je posljedica akutne ili hronične upale. Do upale dolazi zbog pretjeranog uživanja u alkoholu ili zbog zastoja žuči. Najčešće pogađa starije ljude i one u srednjim godinama.
Žučni kamenci
Iako možda ne biste pomislili da vam nije u redu žuč, bol u leđima zajedno s bolovima u trbuhu i rukama, mučninom i uz bol prilikom disanja simptom je žučnih kamenaca ili upale žuči. Žučni kamenci nastaju kad se u jetri stvara više holesterola ili ga tijelo sporije obrađuje što remeti odnos žučne kisjeline i žuči. Tome doprinose i upalni procesi i infekcije žuči, zastoj žuči i promjene pH-a.
Najviše problema sa ovom bolešću imaju gojazne žene iznad 40. godine života, a veliku ulogu igra i genetika.
Infekcija mokraćnog sistema
Infekciju mokraćnih puteva najčešće prouzrokuje bakterija, a može biti i posljedica iritacije od dijafragme, tampona ili preuske odjeće. Manifestuje se kao bol kod mokrenja, bol u donjem dijelu leđa i u stomaku. Najčešće pogađa žene, a liječi se antibioticima, a ako se ne izliječi može prouzrokovati upalu bubrega, piše Daily Mail.
Ginekološki problemi
I kod ginekloških problema javlja se bol u leđima. Stručnjaci kažu da oko 25 odsto žena ima retroverziju materice (okrenutu maternicu), što nije bolest nego stanje u kojem je tijelo materice ‘nagnuto’ dolje i pozadi, prema debelom crijevu. Žene koje imaju ovaj problem menstrualne grčeve osjećaju u donjem dijelu leđa umjesto u abdomenu. U rjeđem slučaju, fibromi mogu takođe prouzrokovati bol ako pritiskaju mišiće i nerve donjeg dijela leđa. I endometrioza, takođe može biti izvor bola u leđima.
Bonus video:
