U najvatrenijem svjetskom derbiju, Boka juniors je savladala River Platu sa 1:0 i izbila na 1. mjesto na tabeli argentinskog prvenstva.
“Superklasiko” na “Monumentalu” je odlučio igrač koji je već u 4. minutu zamijenio Fernanda Gaga, Nikolas Lodeiro.
Urugvajac je gol odluke postigao u 19. minutu, kada je zakucao loptu u mrežu domaćina s 10 metara.
Malo šta je viđeno u nastavku utakmice. Najizgledniju šansu je imao napadač Rivera Rodrigo Mora na početku drugug poluvremena, ali njegov udarac zaustavio golman Boke Agustin Orion.
Boka nakon 24 kola ima 52 boda, a River peti sa 41. Do ovog kola je lider bio San Lorenco, ali je u subotu poražen od Atletiko Urakana.
Bonus video:
