Ešli Jang je sa golom i dvije asistencije donio pobjedu Junajtedu u derbiju Mančestera, nakon čega je prozvao Jaju Turea.
Krilo „crvenih đavola“ je poručilo da je reprezentativac Obale Slonovače bježao od Maruana Felainija i pohvalio Belgijanca za izvanrednu igru.
„Feli je bio briljantan. Svako će to reći. Otkada je došao u tim, igra fantastično. Rekao sam i ranije da je malo igrača koji mogu da ga zaustave. Kada ima svoj dan, onda je nezaustavljiv. Jaja Ture je htio da bude na drugom kraju terena, ne pored njega, a baš je on morao da pokuša da ga zaustavi“, rekao je Jang za klupsku TV.
Bivši igrač Aston Vile je namjestio gol belgijskom internacionalcu, koji je na drugoj stativi lagano nadskočio Gaela Klišija i pogodio za 2:1.
„Kada je Feli u šesnaestecu i možete da mu dodate loptu, odna definitvno imate šansu das postignete gol. Vidio sam ga na drugoj stativi i nadao se da će dohvatiti loptu. Srećom, to je uradio“, zaključio je Jang.
Bonus video:
