Stiv Klark nije više menadžer Vest Bromvič Albiona. Nakon poraza od Kardifa (1:0), Džeremi Pis, predsjednik kluba, odlučio je da se zahvali Klarku na saradnji.
Nakon četvrtog vezanog neuspjeha, WBA se nalazi samo bod (14) iznad zone ispadanja.
Na dnu tabele su Kristal Palas, Fulam (sa po 13 bodova) i Sanderlend (devet).
“Morali smo nešto da uradimo, jer ovako ne ide. Žao nam je što smo smijenili Klarka, ali je to bilo jedino rješenuje. Igramo loše, vezali smo poraze i ekipa je pala na psihološkom planu. Ovo je najskuplji tim u istoriji kluba, smatrali smo ćemo biti konkurentni u Premijer ligi, ali nismo. Sada moramo da pronađemo novog menadžera”, rekao je Pis.
Do imenovanja novog menadžera, ekipu će da vodi Keit Dauning, dosadašnji pomoćnik Klarka.
Najviše šansi da preuzme WBA ima Roberto Di Mateo, bivši menadžer Čelzija, a u igri je i Ralf Ragnik (nekadašnji strateg Šalkea).
Naredni meč WBA igra protiv Hala pred svojim navijačima.
Bonus video:
