Ako je i bilo dileme, definitivno su otklonjene - Antonio Conte ostaje trener Juventusa.
On je tu vijest saopštio nakon poraza “stare dame” u meču bez značaja protiv Sampdorije (3:2).
Konte, koji ima važeći ugovor do ljeta 2015. godine, je tim iz Torina odveo do druge uzastopne titule.
"Nije bilo potrebe da me bilo ko uvjerava da ostanem, samo smo uporedili planove kako bi bili sigurni da su isti. Nisam produživao ugovor ili prilagođavao platu, jer mi to nije važno. Mi želimo da izgradimo nešto ovdje. Inter je prije nekoliko godina osvojio triplu krunu i onda pao na dno, a to nije naš cilj”, rekao je Konte.
“Stara dama” će naredne sezone biti jača za Fernanda Ljorentea (Atletik Bilbao), a govori se i o dolasku Gonzala Iguaina, napadača Reala Madrida, odnosno Karlosa Teveza (Mančester siti).
"Iguain ili Tevez? Sviđaju mi se obojica, ali sviđaju mi se i Leo Mesi, Kristijano Ronaldo i Nejmar. Možemo se razbacivati imenima, ali ono što je važno su finansije. Moramo da pazimo da trošimo pametno. Mislim da treba pohvaliti moje igrače za ono što su napravili ove sezone. Nije u redu govoriti o pojačanjima u ovom trenutku, jer mi se čini da to nije pošteno prema njima”, zaključio je Konte.
Konte je trener Juventusa od 22. maja 2011. godine, a prethodno je trenirao Areco, Bari, Atalantu i Sijenu.
Bonus video:
