Sebastijano Rosi, golman Milana iz trofejnih 90-tih godina (pet Skudeta, titula prvaka Evrope i svijeta, između ostalog), danas trener golmana u mlađim kategorijama Milana, priveden je u subotu veče u Ćezeni zbog toga što je u jednom kafiću nasrnuo i potom šakom udario jednog karabinjera (policajca) civilu.
Po izvještaju policije, Rosi je nešto prije ponoći u kafiću pušio cigaretu, zbog čega ga je barmen opomenuo i zamolio da izađe iz kafane i nastavi da puši vani. Rosi je, međutim, odbio da to uradi, i pritom uputio barmenu niz uvrijedljivih riječi. Tada je reagovao polucijalac koji se nalazio u kafani, nakon što se predstavio pokušao je da smiri strasti, ali je Rosi prvo verbalno, a onda i fizički nasrnuo na njega i udario ga šakom po ustima. Policijac (zaradio kopče na ustima) je, ipak, uspio da savlada Rosija, i pozove pojačanje, pa je bivši golman Milana sa sve lisicama na rukama priveden.
Po svjedočenju prisutnih, Rosi je bio pod jakim dejstvom alkohola, a već danas će biti procesuiran po kratkom postupku.
Rosi je iz Ćezene u Milan stigao 1990. godine, gdje je proveo 12 uspješnih godina. Još uvijek (od 1994. godine) drži rekord u Seriji A po broju minuta (929) bez primljenog gola.
Bonus video:
