Čak 103 minuta trajao je meč SPAL-a i Lacija, a sudijska nadoknada drugog poluvremena bila je talična za domaćina.
SPAL je slavio 2:1, a gol vrijedam pobjede dao je Jasmin Kurtić u 92. minutu, pa je tim iz Ferare upisao prve bodove u sezoni.
Prethodno je Lacio vodio iz penala koji je iskoristio Ćiro Imobile, a poravnao je Andrea Petanja.
Marko Janković je trijumf svoje ekipe gledao s klupe, baš kao i Adam Marušić na drugoj strani.
Janković je ove sezone bio na terenu samo 12 minuta u Kupu protiv nižerazrednog Feralpi Spala, dok je Marušić odigrao 26 minuta u trijumfu "nebesko-plavih" nad Sampdorijom u prvom kolu Serije A.
A Bolonja je slavila u Breši, iako je gubila i 2:0 i 3:1.
Na kraju je bilo 4:3, a sve je za domaćina pošlo po zlu u 48. minutu kada je Desena dobio drugi žuti karton kod rezultata 3:1.
Preokret gostima donijeli su Palasio, Poli i Orsolini.
Kaljari je bio bolji od Parme na "Tardiniju" (3:1), dok je Atalanta savladala Đenovu 2:1.
Bonus video:
