Evropska kuća fudbala je rekla svoje - Fudbalski savez Bugarske je kažnjen novčano sa 75 hiljada eura, dok će reprezentacija naredna dva meča kao domaćin igrati bez prisustva publike.
Sve zbog rasizma u duelu Bugara i Engleske u duelu kvalifikacija za Euro u kojem je Albion u Sofiji slavio 6:0. Utakmica je tog 15. oktobra dva puta prekidana zbog ponašanja navijača, postojala je i realna mogućnost da se ne nastavi, sve dok engleski igrači nisu rekli da žele da se vrate na teren...
Uefa je saopštila da je drugi meč zabrane uslovna kazna ako se nešto slično na bugarskim stadionima ponovi u naredne dvije godine.
Dešavanja iz Sofije prije dvije sedmice potresla su evropski i bugarski fudbal, pa je nakon toga predsjednik FS Bugarske Borislav Mihajlov podnio ostavku na poziv ministra sporta Bojka Borisova, a za njim i je pošao i selektor Krasimir Balakov.
U međuvremenu je zbog incidenata uhapšeno 16 navijača, a četvorici je zabranjen ulazak na stadion dvije godine.
Bonus video:
