Zlatan Ibrahimović je postigao dva gola na otvaranju nove sezone u Seriji A i vodio Milan do pobjede nad Bolonjom (2:0).
Nakon meča je u svom stilu prokomentarisao svoj golgeterski učinak.
"Da sam 20 godina mlađi dao bih još dva", rekao je legendarni napadač koji uskoro puni 39 godina, a golove na najvećoj sceni daje od 1999.
"U dobroj sam formi, treniram dobro, odlično se osjećam - kažem vam, ja sam kao Bendžamin Baton. Šalu na stranu, bilo je dobro, tim je djelovao dobro, ali nismo na 100 posto".
Milan ima veće ambicije ove sezone.
"Moramo da nastavimo tamo gdje smo stali prošle sezone, da rastemo, da igramo svaki meč kao da je finale. Osjećam i volim odgovornost. Ne želim da ljudi pričaju koliko godina imam, želim da me tretiraju isto kao i ostale. Nema veze što imam 38, želim da radim i da se dokazujem kao neko od 20", kazao je Ibra.
Bonus video:
