Juventus je upalio mašinu na Tardiniju, a Kristijano Ronaldo nakon 13 kola došao na vrh liste strijelaca - šampion je slavio protiv Parme 4:0, izjednačio se sa Interom na drugom mjestu, prišao Milanu na bod, s tim da gradski rivali imaju utakmicu manje.
Dejan Kuluševski je prošle sezone igrao u Parmi, zaslužio transfer u Juve i golom u 23. minutu najavio pobjedu svog tima.
Ronaldo je tri minuta kasnije povisio na 2:0, u 48. minutu pogodio drugi put i stigao do brojke od 12 golova, dva više od Zlatana Ibrahimovića i Romelua Lukakua.
Konačan rezultat postavio je Alvaro Morata.
Juve poslije 11 uzastopnih utakmica na strani u Seriji A nije primio gol, još jedan razlog za zadovoljstvo Andree Pirla...
Bonus video:
