Sa 14 bodova poslije 14 mečeva Arsenal se nalazi na 15. mjestu Premijer lige. "Tobdžije" su u krizi, imaju najgori start u ligi u posljednjih 46 godina i blizu su zone ispadanja.
Posljednji u nizu poraza, tim Mikela Artete pretrpio je sinoć na gostovanju Evertonu (2:1). Ekipa je bez pobjede u Premijer ligi od prvog novembra, a legendarni engleski napadač, Alan Širer nije siguran da će tim ostati u Premijer ligi.
„Nijesam siguran da će ostati. Sa ovom startnom postavom i sa takvim stavom neće. Užasni su. Nema kreativnosti, igrači se ne trude, ne pomažu jedni drugima. Arteta mora da se zapita može li da se osloni na ove igrače. Pepe je protiv Evertona trčkarao, a na trenutke je i hodao. Ima tu mnogo igrača koji uopšte ne igraju za svog trenera. Ovakvom igrom se sigurno neće spasiti", oštar je Širer.
Arsenal ima četiri boda više, ali i dvije utakmice više od Barnlija koji je prvi u zoni ispadanja.
Bonus video:
