Sjeverna Makeodnija sinoć je priredila iznenađenje, savladala u gostima Njemačku 2:1 i upisala najveću pobjedu u istoriji reprezentativnog fudbala ove zemlje.
Makedonci su slavili golovima Pandeva i Elmasa i nastavili trku za plasman na Svjetsko prvenstvo.
"Šta da vam kažem. Ne mogu, od emocija, od sreće. Učinili smo Makedonce ponosnim i srećnim. Ovo je kao plasman na Evropsko prvenstvo. Supruga mi je ležala u bolnici, imala je simptome COVID 19, ali sam ja došao ovdje sa momcima jer su mi obećali da će slaviti. Hvala svima. Šta više da kažem, jedino da zaplačem", kazao je selektor Sjeverne Makedonije, Igor Angelovski.
Potencirao je ulogu igrača.
"Srećan sam, jer radim sa ovim igračima i čestitam im na uspjehu. Sada moramo da se odmorimo. Pobjedu posvećujemo našem narodu. Još jednom smo ih učinili ponosnim - savladali smo ekipu koja je četiri puta bila šampon svijeta, a tri puta šampion Evrope. Naši igrači su heroji" zalkjučio je selektor Sjeverne Makedonije.
Makedonce na ljeto očekuje Evropsko prvenstvo. Smješteni su u grupu sa Holandijom, Ukrajinom i Austrijom.
Povezani članci
Bonus video:
