Fudbaleri Sutjeske nakon današnjeg remija protiv Budućnosti u Nikšiću (2:2) ostali su na 13 bodova ispred najvećeg rivala.
Tim Milije Savovića ima meč više od Budućnosti, do kraja je ostalo još 11 kola, pa u taboru Sutjeske poručuju da šampionska trka nije gotova.
"Vrijedan bod, ali ništa nije gotovo. Uspjeli smo da zadržimo solidnu razliku, ali moramo biti koncentrisani do kraja, ako želimo da dođemo do titule. Giljenov gol je došao kao nagrada, ali utakmicu smo morali da riješimo u prvom poluvremenu, imali smo tada više prilika, bili bolji... I u drugom dijelu smo imali neke šanse da ranije izjednačimo. Nismo taktizirali, igrali smo otvoreno i mi i oni", rekao je nakon meča trener Sutjeske, Milija Savović.
Sutjeska je do boda došla u finišu utakmice, a pogodak je postigao golman Vladan Giljen, kapiten ekipe.
"Napravili korak ka tituli, ali ništa nije gotovo, ima još da se igra. Teška utakmica, Budućnost je dobra ekipa. Držali su loptu, ali mi smo imali izglednije prilike. Morali smo ranije da riješimo utakmicu. Sve je dobro ispalo - razlika ostaje 13 bodova, a mi se okrećemo Petrovcu. Nadam se da ćemo nastaviti sa pobjedničkim nizom", kazao je Giljen.
Bonus video:
