Inter je preživio protiv Lećea u prvom kolu i slavio golom u 95. minutu, večeras je sve bilo drugačije pred svojim navijačima.
Na "Đuzepe Meaci", pred više od 71 hiljade gledalaca, Inter je pobijedio Speciju 3:0 - dominirao je prvom, malo spustio ritam u drugom poluvremenu, ali bez problema odradio drugi meč u sezoni.
Lautaro Martines je u 35. minutu na asistenciju Romelua Lukakua načeo goste i najavio sigurnu pobjedu.
Promašio je potom Argentinac veliku šansu, do pogotka su mogli i Lukaku (pogodio je prečku) i Denzel Damfris, ali je u nastavku sve nadoknađeno.
Na 2:0 je povisio Hakan Čalhanoglu, a konačan rezultat je postavio Hoakin Korea na pas Edina Džeka.
Lacio (90 minuta za Adama Marušića) jedva je izvukao remi protiv Torina (0:0), isti rezultat je viđen u duelu Udinezea i Salernitane.
Radovao se Sasuolo, koji je na svom terenu bio bolji od Lećea - 1:0.
Jedini strijelac je bio Domeniko Berardi, koji je u 40. minutu postigao fantastičan gol.
Bonus video:
