Bivši italijanski napadač Gracijano Pele postavio je na društvenim mrežama fotografiju sa suprugom i čestitao Božić pratiocima, a od sinoć je njegov profil pun poruka saučešća.
"Danas je krug zatvoren. Poslije Maradone, još jedan senator je odletio u nebo. Sada zamišljam kako tamo gore zajedno razmjenjujete pasove, dok se smijete i šalite ko je najjači", glasi jedna od njih.
"Onaj ko kaže da je Maradona bolji od Pelea taj griješi. Posljednji pozdrav kralju", stoji u drugoj.
I to su nove generacije - kako prenose italijanski mediji, očito da su brojni korisnici Instagrama pomiješali Gracijana Pelea i Edsona Arantesa do Nasimenta - Pelea, fudbalsku legendu koja je preminula sinoć u 83. godini.
Bilo je i poruka iz Engleske poput ove:
"RIP. Moj najdraži igrač Sautemptona".
Gracijano Pele ima 37 godina, igrao je za Leće, Parmu, Fejnord, AZ Alkmar, Sautempton i kineski Šandong.
Za selekciju Italije upisao je 20 nastupa uz devet golova.
Bonus video:
