Trener Reala Karlo Anćeloti smatra da je njegova ekipa nezasluženo izgubila od Barselone u prvom polufinalnom meču španskog Kupa kralja.
Barselona je sinoć slavila 1:0 nakon autogola Militaa.
"Ohrabruje kako smo igrali. Naravno, nismo zadovoljni rezultatom, ali ako ovako budemo igrali u revanšu, onda ćemo proći u finalu. Ovaj rezultat nije realan. Barselona nije napravila ništa pred našim golom, imala je sreće kod pogotka. Odigrali smo dobru utakmicu. Često smo bili uspješni u presingu, ali je bilo teško pronaći prostor, jer je njihova obrana bila vrlo čvrsta", rekao je Anćeloti nakon utakmice.
Povezani članci
Italijan smatra da je ovo jedna od boljih utakmica Reala.
"Igrali smo kako smo htjeli i moramo to da ponovimo. Dobro smo ušli u utakmicu i dobro je završili, a oni su postigli gol nakon naše greške, netačnog dodavanja. Ovo je bila jedna od naših najboljih utakmica što se tiče presinga i odbrane, a Barselona se ovako neće braniti kod kuće. Moramo samo ponoviti ovo što smo napravili, ovaj pristup", smatra Anćeloti.
Bonus video:
