Bio je to duel gotovo izvjesnog novog i bivšeg šampiona Italije u kojem je Napoli protiv Intera pronašao način da izbjegne poraz i stane na put seriji lidera italijanskog šampionata.
Na „Đuzepe Meaci” nije pobjednika (1:1), pa je Inter stao nakon 10 uzastopni pobjeda u Seriji A i pokazao da je van ritma nakon bolne eliminacije od Atletiko Madrida u osmini finala Lige šampiona.
„Nerazurima” je pripalo prvo poluvrijeme u kojem su promašili nekoliko šansi prije nego je pogodio Mateo Darmijan, ali u nastavku su Napolitanci uradili dovoljno da zasluže bod - donio im ga je bivši defanzivac Intera Žuan Žezus desetak minuta prije kraja.
NE PROPUSTITE
Tim Simonea Inzagija tako na reprezentativnu pauzu ide sa 14 bodova više od Milana, koji je danas savladao Veronu (3:1) i ostao sam na drugom mjestu ispred Juventusa.
Bonus video:
