Nastavlja se trka za titulu u La Ligi, Real Madrid je danas odgovorio Barseloni, slavio u gostima nad Alavesom (1:0) i ostao na četiri boda manje od "blaugrane".
Madriđani danas prvi put od 23. februara i meča sa Đironom nisu primili gol u domaćem prvenstvu, a jedini pogodak su postigli u 34. minutu, kada je Kamavinga sa oko 20 metara bio precizan.
Imao je Real priliku u prvom poluvremenu i preko Gulera, na drugoj strani je neprecizan bio Visente.
Real je u prvom poluvremenu ostao sa igračem manje. Kilijan Mbape je otvorenim đonom startovao i grubo faulirao Antonija Blanka, pa je dobio crveni karton.
U drugom poluvremenu je i Alaves ostao sa igračem manje, a isključen je Sančes.
Nakon toga je Real imao dvije šanse, prvo je Valverde bio neprecizan, a onda je veliku priliku propustio Belingem.
Arbitar Soto Grado imao je danas pune ruke posla, a osim dva crvena, podijelio je osam žutih kartona.
Bonus video:
