Budućnost Voli se, slobodno se može reći, prošetala Zagrebom.
Cibona je samo u prvoj četvrtini uspjela da diktira, a kada su sredinom druge serijom 9:0 gosti preokrenuli, pitanje pobjednika se više nije postavljalo.
"Čestitao bih igračima na odličnoj igri i pobjedi. Ovom utakmicom Budućnost je potvrdila rejting koji je imala u ABA ligi tokom cijele sezone. Prethodnih dana nije bilo lako svima i iz tog razloga igračima treba čestitati na prisebnosti i na jednoj ovakvoj odigranoj utakmici. Cibona je klub koji se trenutno nalazi u određenim problemima, ali se i „rekonstruišu”, vrijedno rade i mislim da nije bilo lako postići takav nivo igre da bi se došli do pobjede”, rekao je trener gostiju Luka Pavićević.
Centar crnogorskog šampiona Aleks Marić bio je kratak.
"Utakmica je počela čvrsto sa obje strane, ali odlučila je naša jaka odbrana, gdje smo dobijali lake poene i to se pokazalo ključnim. Pokazalo se da je odbrana naše najjače oružje”.
Trener Cibone Slaven Rimac staloženo je komentarisao meč.
"Mislim da su iskoristili svoje prednosti, prije svega s obzirom da smo tanki na nekim pozicijama. Nije lagano Žižiću i Zubcu da brane „pik en rol”. Ljudi su jednostavno pogodili sve i iskažnjavali nas. Nismo uspjeli da napravimo ozbiljniji rezultat, a za drugo poluvrijeme nemamo više energije ni rotaciju. Mislim da je to jednostavno takav trenutak i koliko god hoćemo da to bude bolje, bez kvalitetnog treninga ne može ići na bolje. Ne tražim alibi, ja sve stvari gledam kao izazov i znam da je trener najodgovorniji, ali ova situacija je splet okolnosti - igranje FIBA Kupa, puno povreda, šest ili sedam gostovanja... To je za ovu ekipu puno pehova da bi izgledalo bolje”, zaključio je Rimac.
Bonus video:
