Najbolji klubovi Starog kontinenta od danas kreću u borbu za najprestižniji trofej, koji će biti dodijeljen 12. maja naredne godine na fajnl-foru u Londonu.
Titulu brani Olimpijakos, ali trebalo bi da se desi čudo, pa da Pirejci opet osvoje trofej. Ekipa je slabija u odnosu na prošlu sezonu. Otišli su Marko Kešelj (Valensija), Lazaros Papadopulos (PAOK), Mihalis Pelekanos (Aris), Lukas Kalin (Banvit) i Andreas Glinijadakis (Astana). Takođe, na klupi više nema Dušana Ivkovića, koga je naslijedio Jorgos Barcokas.
Od pojačanja dovedeni su samo bek/krilo Panatinaikosa Stratos Perperoglu i centar Bilbaa Dimitris Mavroeidis.
Prošle sezone CSKA Moskva je bila favorit broj jedan za evropsku krunu, ali ih je iznenadio Olimpijakos. I sada se „armejcima“ prepušta uloga glavnog favorita i žele da isprave propušteno protekle sezone. Prvi korak na tom putu je bilo vraćanje na klupu Etorea Mesine, koji je 2006. donio evropsku krunu nakon 35 godina.
Klub su napustili Andrej Kiriljenko, Aleksej Šved (Minesota), Džamont Gordon (Galatasaraj), Darijuš Lavrinovič (Žalgiris) i Sami Mehija (Banvit). Međutim, dovedene su kvalitetne zamjene - Dru Nikolas (Emporio Armani), Aron Džekson (Bilbao), Zoran Erceg (Bešiktaš), Vladimir Micov (Kantu), Soni Vims (Žalgiris).
U krug favorita ubrajaju se još Barselona, Real, Fenerbahče i Anadolu Efes.
Katalonci su angažovali Anta Tomića (Real Madrid), Nejtana Džavaija (Uniks Kazanj), Šarunasa Jasikevičijusa (Panatinaikos) i Alehandra Abrinesa (Unikaha).
Oni su došli kao zamjene za Kostu Perovića, Frana Vaskeza (obojica Unikaha), Čaka Ejdsona (Uniks) i Bonifisa Ndonga (Galatasaraj).
Real je jači za Rudija Fernandeza (Denver), Donteja Drejpera (Cedevita) i Rafaela Hetšmejera (Saragosa). Osim Tomića, klub su napustili Kajl Singler (Detroit) i Novica Veličković (bez kluba).
Turski timovi opet su uložili dosta novca, posebno se to odnosi na Fenerbahče, koji je napravio veliki „remont“ ekipe.
Na klupu je sjeo Simone Pjaniđani, dugogodišnji trener Montepaskija i selektor Italije, a sa njim su stigli Bo Mekejleb, Dejvid Andersen (Montepaski), Romain Sato, Majk Bartist (Panatinaikos), Ernest Bremer (Emporio Armani) i turski reprezentativci Ermis Baris (Banvit) i Ilkan Karaman (Pinar Karšijaka).
Od nosilaca igre iz prošle sezone nema Marka Tomasa (Cedevita), Roka Lenija Ukića (Panatinakos) i Džejmsa Gista (Unikaha).
Bek Bruklin Netsa Džordan Farmar je najzvučnije ime koje je angažovao Anadolu Efes. Osim njega stigli su Gordon Lukas (Galatasaraj) i centar selekije Turske Samih Erden (Klivlend).
Ostali su Saša Vujačić, Duško Savanović, Kerem Tunčeri... Na klupu je umjesto Ufuka Saridže sjeo Oktaj Mahmuti, prošle sezone strateg Galatasaraja.
Šansu će iz prikrajka vrebati Makabi, Emporio Armani, Kaha Laboral, Bešiktaš, Žalgiris i Himki. Ostali timovi, među kojima i beogradski Partizan, imaju malo šansi da urade nešto više.
Četvrtak - grupa AFenerbahče - Himki (20.45)Kantu - Olimpija (20.45)
Grupa BŠalon - Prokom (20.00)Unikaha - Makabi (20.45)
Grupa CŽalgiris - Cedevita (18.45)Olimpijakos - Kaha laboral (20.45)
Grupa DCSKA - Lietuvos ritas (18.00)
Petak - grupa AReal Madrid - Panatinaikos (20.45)
Grupa BMontepaski - Alba (20.45)
Grupa CEmporio - Anadolu Efes (20.45)
Grupa DBarselona - Brose basket (18.30)Bešiktaš - Partizan (19.00)
Bonus video:
