Bilaps produžio ugovor sa LA Klipersima

Iskusni plejmejker Šonsi Bilaps produžio je ugovor sa LA Klipersima na još godinu, prenose američki mediji.

Bilaps je prošle sezone odigrao samo 20 utakmica, jer je povrijedio Ahilovu tetivu.

Do povrede je imao prosjek od 15 poena i četiri asistencije po utakmici.

Bilaps je prošle godine stigao u Kliperse, a prije toga igrao je za Boston, Toronto, Denver, Minesotu, Detroit i Njujork.

On je sa Detroitom 2004. osvojio šampionski prsten, a bio je i proglašen za najkorisnijeg igrača finalne serije protiv LA Lejkersa.