Poslije 19 godina profesionalne karijere, Mirsad Turkdžan je odlučio da stavi tačku.
Momak rođen u Novom Pazaru će se zvanično oprostiti od košarke na konfenrenciji za štampu 21. jula, a njegov sadašnji klub Fenerbahče odlučio je da povuče dres sa brojem 6, koji je godinama nosio.
“Šanse da odem u penziju su 99 odsto, a sve ću saopštiti na konferenciji za štampu”, rekao je Turkdžan za turske medije.
On je karijeru počeo 1993. godine u redovima Anadolu Efesa.
Nakon šest sezona u dresu Efesa, uslijedila je NBA odiseja u Njujorku i Milvokiju, da bi uslijedio povratak u Evropu.
Igrao je za Pariz, CSKA Moskvu, Montepaski, Dinamo Moskvu, Ulker, koji je od 2006. postao Fenerbahče.
Bonus video:
