San Antonio je protiv L. A. Klipersa upisao 10. pobjedu u nizu, ali je opet ostao bez Argentinca Manu Đinobilija.
Samo nedjelju dana nakon što se vratio na teren poslije loma šake, Argentinca čeka nova, duža pauza.
“Mislim da smo opet izgubili Đinobilija i mislim da ga čeka duga pauza. Nažalost, privremeno smo ostali i bez Tijaga Splitera", kazao je Greg Popović, trener “mamuza”.
Argentinac je parket napustio u finišu treće četvrtine zbog povrede trbušnog mišića, a još na početku utakmice San Antonio je ostao bez Brazilca, jer je osjetio jake bolove u listu desne noge.
Po povratku u San Antonija, Argentinac i Brazilac će biti podvrgnuti detaljnim ljekarskim pregledima, nakon kojih će se znati koliko će odsustvovati sa terena.
Bonus video:
