Zvanično: Šejn Larkin ostaje u Efesu

Američki košarkaš, Šejn Larkin produžio je ugovor sa turskim Efesom.

Larkin je potpisao novi jednogodišnji ugovor, sa opcijom produžetka saradnje na još godinu dana, ukoliko na kraju naredne sezone ne pronađe NBA angažman.

Iza Larkina je sjajna sezona u dresu Efesa - Amerikanac je blistao na fajnl-foru u Vitoriji, a bio je MVP finalne serije turskog šampionata protiv Fenerbahčea.

Predvodio je Efes do prve titule u domaćem šampionatu poslije 10 godina.

Uoči početka nove sezone ugovor sa Efesom produžili su Vasilije Micić, Krunoslav Simon, Doguš Baubaj, Brajant Danston i trener Egin Ataman.

U Istanbul su stigli Alek Piters iz CSKA i Tolga Gečim iz Banvita, a otišli su Brok Motum i Derik Braun.