Saragosa nastavlja sa sjajnim partijama, Radović ubacio pet poena, Radončić dobar u trijumfu Mursije

Crnogorski reprezentativci, Dino Radončić i Nemanja Radović dali su doprinos pobjedama Mursije, odnosno Saragose u sedmom kolu španske Endesa lige.

Saragosa nastavlja sa sjajnim partijama na startu sezone - ekipa iz Aragona slavila je na gostovanju Burgosu 78:69, stigla do šeste pobjede ove sezone i prvi je pratilac madridskog Reala. Nemanja Radović je za 10 minuta ubacio pet poena, a imao je dvije asistencija i skok.

A Mursija, za koju nastupa Dino Radončić bila je bolja od Andore 89:86. Radončić je za pobjedničku ekipu igrao 22 minuta i ubacio 10 poena uz pet skokova.

Nakon sedam kola Mursija je na 11. mjestu sa tri pobjede i četiri poraza.