Abiodun Adegoke je visok 236 centimetara, košarkaš je i potpuna misterija.
On je Nigerijac, dio je sportske akademije u Dubaiju, a misterija počinje kada se pomenu njegove godine.
Ovaj gorostas je postao poznat kada je snimak njegovog treninga na društvenim mrežama podijelio Šekil O'Nil, na kome se vide neke njegove kretnje i da zakucava stojeći.
Zašto su godine misterija? Adegoke zvanično ima 18 i nalazi se na skautingu koledž ekipa iz SAD, ali neki izvještaji govore da zapravo ima 21 godinu.
Prema izvještajima iz Nigerije iz 2016. godine, Adegoke je tada imao 17 i bio je visok 218 centimetara, a igrao je košarku za srednjoškolski tim u Lagosu.
Zatim je iz Nigerije preselio u sportsku akademiju u Dubajiu i odjednom je postao mlađi.
Američki mediji pišu da postoji interesovanje sa mnogo strana za džina iz Lagosa, ali da se sporne informacije oko godina moraju razriješiti.
Ako se to dogodi, možda Adegoke i dođe do NBA lige, čime bi postao najviši igrač u istoriji - do sada su to bili Jao Ming i Manute Bol sa po 229 centimetara.
Bonus video:
